საქართველოს საავიაციო ბაზარზე ოპერირებას იორდანიული დაბალბიუჯეტიანი (Low-cost) ავიაკომპანია – Air Arabia Jordan იწყებს. ავიარეისები ამანი-თბილისი-ამანის მიმართულებით განხორციელდება.

საქართველოს სამოქალაქო ავიაციის სააგენტოს ცნობით, იორდანიისა და საქართველოს დედაქალაქებს შორის პირდაპირი რეგულარული რეისების შესრულებას Air Arabia Jordan 2017 წლის 28 აპრილიდან, ზაფხულის სანავიგაციო სეზონის ბოლომდე გეგმავს (26.10.17).

ავიარეისები კვირაში 2-ჯერ, ყოველ სამშაბათსა და პარასკევს, Airbus A320 ტიპის საჰაერო ხომალდით განხორციელდება.

Air Arabia Jordan არაბული დაბალბიუჯეტიანი ავიაკომპანია Air Arabia-ს ჯგუფის მმართველობაში მყოფი იორდანიული ავიაგადამყვანია, რომელიც 2015 წელს დაფუძნდა.

შეიძინეთ ყველაზე იაფი ავიაბილეთი

დაჯავშნეთ იაფი სასტუმრო