2017 წლის ზაფხულის სანავიგაციო სეზონზე ქართული ავიაკომპანია Georgian Airways, საჰაერო მიმოსვლას კიდევ ერთი ახალი მიმართულებით იწყებს.

თბილისი-დუბაი-თბილისის საჰაერო ხაზზე მრავალჯერადი ჩარტერული ფრენების განხორციელებას ავიაკომპანია 31

აგვისტოდან 27 ოქტომბერამდე შემდეგი განრიგით გეგმავს:

ხუთშაბათი (გაფრენა) – პარასკევი (გამოფრენა)

კვირა (გაფრენა) – ორშაბათი (გამოფრენა)

ავიარეისები Embraer ERJ-190 და Boeing B737 ტიპის საჰაერო ხომალდებით შესრულდება.

სამოქალაქო ავიაციის სააგენტოსმ ფრენების განხორციელებისათვის აუცილებელი ნებართვა Georgian Airways-ს 9 აგვისტოს მიანიჭა.

წელს Georgian Airways-მა რეგულარული ოპერირება ლონდონისა და პრაღის მიმართულებებით, ხოლო ჩარტერული რეისების შესრულება ბეირუთის მიმართულებით დაიწყო, ასევე ავიაკომპანიამ განაახლა რეგულარული ავიარეისები კიევისა და თეირანის და მრავალჯერადი ჩარტერული ავიარეისები მაშადის, აჰვაზისა და შირაზის მიმართულებებით.

2017 წლის 7 თვის მონაცემებით, ქართულმა ავიაკომპანიამ შარშან ანალოგიურ პერიოდთან შედარებით 46%-ით მეტი მგზავრი გადაიყვანა.

შეიძინეთ ყველაზე იაფი ავიაბილეთი

დაჯავშნეთ იაფი სასტუმრო