აბუ-დაბი პლანეტაზე ყველაზე უსაფრთხო ქალაქია. გამოცემა „The National”-ის ინფორმაციით, არაბთა გაერთიანებული საამიროების დედაქალაქმა პირველობა 378 ქალაქს შორის მოიპოვა. საინტერესოა, რომ უსაფრთხოთა შორის ასევე – მიუნხენი, ბაზელი, დოჰა, დუბაი, სინგაპური, ციურიხი და რამდენიმე სხვა ქალაქი მოხვდა. აღსანიშნავია, რომ ექსპერტების მთავარი კრიტერიუმი კრიმინალის დონე იყო. აბუ-დაბიში ეს მაჩვენებელი მხოლოდ 14,4 ქულაა. კანონდარღვევათა შორის კი ყველაზე ხშირად მცირე ქურდობები, თაღლითობა და კიბერდანაშაული ჭარბობს.

რაც შეეხება მსოფლიოში ყველაზე საშიშ ქალაქს, 80 ქულით ვენესუელის დედაქალაქი კარაკასი ლიდერობს. ექსპერტების აზრით, მისი მონახულება სერიოზულ საფრთხეებთანაა დაკავშირებული.

შეიძინეთ ყველაზე იაფი ავიაბილეთი

დაჯავშნეთ იაფი სასტუმრო