გერმანულმა ავიაკომპანია Air Berlin-მა თავი გაკოტრებულად გამოაცხადა. აღნიშნულის შესახებ ინფორმაციას Spiegel-ი ავრცელებს.

გამოცემის ინფორმაციით, ავიაკომპანიას 1,2 მლრდ ევროს ვალი დაუგროვდა.

მიუხედავად ამისა ავიაკომპანია რეგულარული რეისების განხორციელებას კვლავინდებურად აგრძელებს, რადგანაც გერმანიის მთავრობა ავიაკომპანიის დავალიანების, საუბარია 150 მლნ ევროზე, რესტრუქტურიზაციას გეგმავს.

იმავდროულად კი Air Berlin-ის მთავარმა აქციონერმა Etihad-მა ავიაკომპანიისთვის დამატებითი თანხების გამოყოფაზე უარი განაცხადა. გავრცელებული ინფორმაციით, აღნიშნული ბიზნესის გაყიდვაზე მოლაპარაკებები უკვე შედგა Lufthansa-თან.

Air Berlin-ი წაგებაზე 2008 წლიდან მუშაობს. ავიაკომპანიამ რეკორდული ზარალი – 780 მლნ ევრო 2016 წელს დააფიქსირა.

შეგახსენებთ, რომ Air Berlin-ი 1978 წლიდან ოპერირებს და ის გერმანიაში სიდიდით მეორე ავიაკომპანიადაა მიჩნეული.

შეიძინეთ ყველაზე იაფი ავიაბილეთი

დაჯავშნეთ იაფი სასტუმრო