გამოკითხვაში „მსოფლიოში ყველაზე ლამაზი ქვეყანა“ შოტლანდიამ უკან ჩამოიტოვა კანადა, რომელიც მე-2 ადგილს დასჯერდა და ტურისტების მიერ დასახელებულ 20 ულამაზეს ქვეყანას შორის პირველი ადგილი დაიკავა.

„ვინ უარყოფს, რომ ველური სანაპიროები, ღრმა ტბები და ციხე-კოშკები – განსაკუთრებული ღირსშესანიშნაობებია?”, – აცხადებენ გზამკვლევის ავტორები.

„რეიტინგში ასევე მოხვდა ახალი ზელანდია, ფინეთი, ნორვეგია და სამხრეთ აფრიკა. ინგლისი გავიდა მე-7 ადგილზე, ხოლო უელსმა მე-10 პოზიცია დაიკავა“, – წერს „The Independent“-ი.

შოტლანდიელ ტუროპერატორებს მიაჩნიათ, რომ გამოკითხვის შედეგები ქვეყანაში ტურისტების მოზიდვას შეუწყობს ხელს.

„ძალიან გვიხარია, რომ შოტლანდიამ ასეთი შესანიშნავი შეფასება დაიმსახურა, თუმცა ეს შედეგი ნამდვილად არ გააკვირვებს არავის, ვინც ჩვენ ქვეყანაში ყოფილა“, – განაცხადა შოტლანდიის ეროვნული ტურისტული ორგანიზაციის „VisitScotland“-ის აღმასრულებელმა დირექტორმა.

მისი თქმით, შოტლანდიაში ყოფნისას ტურისტს განსაკუთრებული გრძნობა ეუფლება, რომლის მსგავსსაც მსოფლიოში ვერსად ვერ განიცდით.

შეიძინეთ ყველაზე იაფი ავიაბილეთი

დაჯავშნეთ იაფი სასტუმრო