რუსეთის სახელმწიფო სათათბიროს კომიტეტმა დაამტკიცა კანონპროექტი, რომლის მიხედვითაც, ყოფილ საბჭოთა კავშირში დაბადებულ ადამიანებს, რომლებმაც რუსული ენა იციან, რუსეთის მოქალაქეობის მიღება გაუადვილდებათ.

საქმე ეხება სსრკ-ს ყოფილ მოქალაქეებს, რომლებიც რუსეთში 2002 წლის 1 ნოემბრამდე ჩავიდნენ და მათ და მათ შვილებს, არ გააჩნიათ სხვა ქვეყნის მოქალაქეობის სტატუსი.

კანონპროექტის თანახმად, არამხოლოდ ყოფილ სსრკ-ში დაბადებული ადამიანები, არამედ მათი შთამომავლებიც,რომლებსაც ძველ სსრკ-ში მცხოვრებ ადამიანთან ნათესაური კავშირი აქვს, რუსულ პასპორტებს გამარტივებული წესით მიიღებენ.

კანონპროექტი რუსეთის სათათბიროს დსთ-ის საქმეთა კომიტეტის თავმჯდომარის პირველმა მოადგილემ, კონსტანტინ ზატულინმა წარადგინა. მისი ერთ-ერთი ავტორი ნატალია პოკლონსკაიაა.

დოკუმენტი “რუსეთის ფედერაციის მოქალაქეობის შესახებ” და “უცხოელ მოქალაქეთა სამართლებრივი სტატუსის შესახებ” კანონებში ცვლილებების შეტანას ითვალისწინებს. განმარტებით ბარათში აღნიშნულია, რომ საკითხს ვლადიმერ პუტინიც იწონებს.

შეიძინეთ ყველაზე იაფი ავიაბილეთი

დაჯავშნეთ იაფი სასტუმრო