ავიაკომპანია Ukraine International Airlines-მა (FlyUIA) დაბალი ტარიფების ამოქმედების შესახებ განაცხადა. FlyUIA-ს “ლოუკოსტერ” ტარიფები იმოქმედებს, როგორც შიდა ასევე საერთაშორისო რეისებზე და მისი ფასი დამოკიდებულია იმაზე, თუ რომელ ზონაშია ესა თუ ის ქვეყანა. ტარიფის აღწერილობიდან ირკვევა, რომ ის საქართველოზეც ვრცელდება.

ზონა 1: უკრაინა. (შიდა რეისები)
ზონა 2: ლატვია, ლიტვა, პოლონეთი, თურქეთი, გერმანია, ფინეთი, შვედეთი, საქართველო, უნგრეთი, სომხეთი, ჩეხეთი, ავსტრია.
ზონა 3: შვეიცარია, ბელგია, იტალია, საბერძნეთი, კვიპროსი, ჰოლანდია, დიდი ბრიტანეთი, ბელორუსი, მოლდოვა.
ზონა 4: ყაზახეთი, არაბეთის გაერთიანებული საემიროები, ისრაელი, ესპანეთი, საფრანგეთი, ირანი, იორდანია, აზერბაიჯანი.

დაბალი ტარიფები ინდივიდუალურია და ის დამოკიდებულია, თუ რამდენი ხნით ადრე მოხდება მათი შეძენა.

ასევე, დაბალი ტარიფი არ ვრცელდება სხვა რეისთან დამაკავშირებელ ფრენებზე. წლის განმავლობაში FlyUIA დაბალი ტარიფით სულ 0,5 მლნ ბილეთის გაყიდვას გეგმავს.

ასევე დაბალი ტარიფი გულისხმობს 7 კგ-იან ხელბარგს, რომელიც უნდა აკმაყოფილებდეს სტანდარტს: 55х40х20 სმ.

თუმცა Panorama Club Classic/Premium-ის წევრებისათვის ხელბარგის წონა 12 კგ-მდეა დასაშვები. ზედმეტი ბარგის არსებობის შემთხვევაში მისი ცალკე ყიდვაა შესაძლებელი.

ასევე ტარიფი არ მოიცავს ბორტზე კვებას. ასეთი ბილეთის მქონე მგზავრს ბორტზე მხოლოდ წყალი მიეწოდება.

შეიძინეთ ყველაზე იაფი ავიაბილეთი

დაჯავშნეთ იაფი სასტუმრო

წყარო: ghn.ge