მსოფლიოს მასშტაბით ყველაზე დაბალფასიანი ფრენების რეიტინგში პირველ ადგილზე მალაიზიაა, – დასკვნამდე ტურისტული პორტალი Kiwi.com მივიდა.

ირკვევა, რომ შიდა და საერთაშორისო რეისებზე 100 კმ-იან მანძილზე ფრენის საშუალო ღირებულება 4,18 დოლარია. მეორე ადგილზეა ბულგარეთი, სადაც იგივე მანძილის დაფარვის საშუალო ტარიფი 4,65 დოლარია.

„შესანიშნავ სამეულშია“ ინდოეთიც, სადაც 100 კმ მანძილის დაფარვის საშუალო ფასი 4,96 დოლარია. მეოთხე ადგილზეა თურქეთი, სადაც ფრენის საშუალო ფასი 6,28 დოლარია. Kiwi.com-ის რეიტინგში მეხუთე პოზიციაზეა რუმინეთი – 6,46 დოლარი.

რეიტინგი სულ 80 ქვეყნის მონაცემებს აერთიანებს. როგორც ირკვევა, ქვეყანა სადაც ფრენა საკმაოდ ძვირია ბელგიაა. ამ ევროპულ ქვეყანაში 100 კმ საჰაერო მანძილის დაფარვის საშუალო ტარიფი 54,63 დოლარია. Kiwi.com-მა მსგავსი რეიტინგი უკვე მეორედ გამოაქვეყნა.

შეიძინეთ ყველაზე იაფი ავიაბილეთი

დაჯავშნეთ იაფი სასტუმრო

წყარო: kiwi.com