Etihad-ის მგზავრებს აბუ-დაბიდან აშშ-ს მიმართულებით ფრენისას, ბორტზე ნოუთბუქისა და პლანშეტის ატანა ისევ შეუძლიათ.

შეზღუდვა თავის დროზე აშშ-ს ინიციატივით, ტერორიზმის წინააღმდეგ ბრძოლის მიზნით ამოქმედდა. ავიაკომპანია Etihad Airways-ი აშშ-ს სხვადასხვა ქალაქის მიმართულებით კვირაში 45 რეისამდე ასრულებს.

ავიაკომპანიის აღმასრულებელი დირექტორის პიტერ ბაუმგატრნერის განმარტებით, შეზღუდვა მას შემდეგ მოიხსნა, რაც აბუ-დაბის აეროპორტში სპეციალური საემიგრაციო ცენტრი ამოქმედდა და სადაც აშშ-ს მიმართულებით მოგზაურ ადამიანებს საგანგებოდ ამოწმებენ.

შეგახსენებთ, რომ 25 მარტიდან აშშ-ს მიმართულებით ავიარეისებისას 10 ქვეყნიდან მგზავრებს (სპარსეთის ყურისა და ჩრდილოეთ აფრიკის ქვეყნები და ასევე თურქეთი) თვითმფრინავში დიდი ზომის მოწყობილობების, მათ შორის დიდი სმარტფონების ატანა აიკრძალა.

შესაბამისად ეს შეზღუდვა შეეხოთ Etihad-ის, Qatar Airways-ს, Turkish Airlines-სა და სხვა ახლო აღმოსავლეთის ქვეყნების ავიაკომპანიებს.

შეიძინეთ ყველაზე იაფი ავიაბილეთი

დაჯავშნეთ იაფი სასტუმრო