ირლანდიური დაბალბიუჯეტიანი კომპანია Ryanair-მა გაბანკროტების პროცესში მყოფი იტალიური ავიაკომპანიის, Alitalia-ს შეძენა გადაწყვიტა. ინფორმაციას სააგენტო Reuters-ი ავრცელებს.

„მხოლოდ იმისი თქმა შემიძლია, რომ აღნიშნულ პროცესში ჩვენს მონაწილეობას მართებულად მივიჩნევთ,“ განაცხადა Ryanair-ის ფინანსურმა დირექტორმა.

Alitalia-სადმი ინტერესს კომპანია ადრეც გამოთქვამდა. Alitalia-ს ხელმძღვანელობამ კომპანიის გაბანკროტების პროცედურის დაწყებასთან დაკავშირებით გადაწყვეტილება მაისში მიიღო. კომპანიის აქციონერებმა აღნიშნული გადაწყვეტილება ერთსულოვნად მას შემდეგ მიიღო, რაც კომპანიის თანამშრომლებმა რესტრუქტურიზაციის გეგმას მხარი არ დაუჭირეს. კომპანიის რესტრუქტურიზაციის გეგმა 1,700 თანამშრომლის გათავისუფლებასა და ხელფასების 8%-ით შემცირებას ითვალისწინებდა.

Alitalia 1946 წელს დაარსდა. კომპანია იტალიაში უდიდეს, ხოლო ევროპაში კი სიდიდით მეხუთე ავიაკომპანიად ითვლება.

შეიძინეთ ყველაზე იაფი ავიაბილეთი

დაჯავშნეთ იაფი სასტუმრო