უკრაინის ინფრასტრუქტურის მინისტრმა ვლადიმირ ომელიანმა განაცხადა, რომ ავიაკომპანია FlyUIA-ს სახელმწიფო ბიუჯეტის მიმართ 400 მლნ გრივნას დავალიანება გააჩნია.

„გულწრფელად ვურჩევდი FlyUIA-ს მფლობელებს და ხელმძღვანელობას, კონცენტრირება გააკეთონ სახელმწიფოს მიმართ არსებული 400 მლნ-იან დავალიანებაზე, რომელიც მათ დნეპროს აეროპორტის განვითარებისთვის და სხვა საკითხებისთვის აიღეს“, – განმარტავს ინფრასტრუქტურის სამინისტრო მინისტრის პოზიციას.

შეგახსენებთ, რომ FlyUIA სასამართლოს ძალით ავიაკომპანია Ryanair-სა და ლვოვის აეროპორტს შორის გაფორმებული ხელშეკრულების გაუქმებას ითხოვს.

„მივიღე ინფორმაცია FlyUIA-ს სარჩელების შესახებ. პირველია გაუქმდეს ხელშეკრულება Ryanair-სა და ლვოვის აეროპორტს შორის. მეორე აეკრძალოს სასამართლოს Ryanair-ის სასარგებლო ქმედებები და მესამე: ტორტზე ბოლო შტრიხი – Ryanair-ის შესაძლო შემოსვლის გამო FlyUIA-ს ფასების დაწევა მოუხდა და ამ ფონზე ზარალი განიცადა. ამიტომ „ეროვნული“ ავიაკომპანია სასამართლოს სთხოვს ინფრასტრუქტურის სამინისტრომ მას „დაკარგული“ 10 მლნ გრივნა აუნაზღაუროს,” – აცხადებს უკრაინის ინფრასტრუქტურის მინისტრი.

შეიძინეთ ყველაზე იაფი ავიაბილეთი

დაჯავშნეთ იაფი სასტუმრო