ირლანდიური „ლოუკოსტერი“ Ryanair-ი უკრაინიდან წასვლას არ აპირებს.

სკანდალი და აჟიოტაჟი, რომელიც უკრაინაშია მიანიშნებს ერთ რამეზე – Ryanair-ი ქვეყანაში ოპერირებას აპირებს, – ასეთი მოსაზრება კიევში გამართულ პრესკონფერენციაზე FlyUIA-ს პრეზიდენტმა იური მიროშნიკოვმა გამოთქვა.

„თქვენ დარწმუნებულნი ხართ, რომ მან (Ryanair ) ვერ შეძლო? მე მაქვს განცდა, რომ ეს მისი მეთოდებია ახალ ბაზარზე შესვლისთვის – სკანდალი, რომელიც შესაძლებლობას იძლევა, რომ ყველას ყურადღება მიიპყრო. მე არ მაქვს შეგრძნება, რომ პრაქტიკულად Ryanair-ზე რაღაც უნიკალური ხდება.

მისი გამოცდილების შესწავლით, თქვენ დაინახავთ, რომ ბევრ სხვა ქვეყანაში, ქალაქში, აეროპორტში იგივე პროცესები მიმდინარეობდა. დარწმუნებული ვარ, საქმე მარცხთან არ გვაქვს, არამედ პროცესების გაგრძელებასთან Ryanair-ის უკრაინაში შემოსასვლელად“, – აღნიშნა მიროშნიკოვმა.

FlyUIA-ს პრეზიდენტმა განაცხადა, რომ მის ავიაკომპანიას ხელი არ შეუშლია და არც მომავალში აპირებს, Ryanair -ის უკრაინაში შემოსვლას ხელი შეუშალოს.

მიროშნიკოვმა აღნიშნა ისიც, რომ Ryanair -ი უკრაინაში შემოვა, მაგრამ ნორმალური პირობებით, რომელიც ბაზრის სხვა მოთამაშეების ინტერესების დისკრიმინაციას არ მოახდენს.

შეიძინეთ ყველაზე იაფი ავიაბილეთი

დაჯავშნეთ იაფი სასტუმრო