საქართველოს საერთაშორისო აეროპორტებში ფრენების სიხშირე იზრდება. ეკონომიკისა და მდგრადი განვითარების სამოქალაქო ავიაციის სააგენტოს მონაცემებით, წელს ზაფხულის სანავიგაციო სეზონზე 2017 წლის ანალოგიურ პერიოდთან შედარებით საერთაშორისო აეროპორტებში სიხშირეების რაოდენობა 30-36%-ით გაიზარდა 430 სიხშირეს მიაღწია (2017 წლის ზაფხულის სანავიგაციო სეზონზე 315-330 სიხშირე).

როგორც სამოქალაქო ავიაციის სააგენტოში ამბობენ, ამ მომენტისათვის არსებული მონაცემების შესაბამისად, 2018 წლის ზაფხულის სანავიგაციო სეზონის პიკურ პერიოდში, საქართველოს საერთაშორისო აეროპორტებში ფრენები განხორციელდება კვირაში დაახლოებით 540-550 სიხშირით. აღსანიშნავია, რომ 2017 წლის ზაფხულის სეზონზე – პიკურ პერიოდში, საქართველოს საერთაშორისო აეროპორტებში, ფრენები სრულდებოდა კვირაში დაახლოებით 470 სიხშირით.

სიხშირეები აეროპორტების მიხედვით შემდეგნაირად ნაწილდება: თბილისის საერთაშორისო აეროპორტი კვირაში დაახლოებით 410-420 სიხშირე;

ბათუმის საერთაშორისო აეროპორტი კვირაში დაახლოებით 80-90 სიხშირე;

ქუთაისის საერთაშორისო აეროპორტი კვირაში დაახლოებით 50-56 სიხშირე.

აღნიშნული მონაცემი სეზონის მიმდინარეობისას შესაძლებელია შეიცვალოს.

2018 წლის ზაფხულის სანავიგაციო პერიოდში საქართველოს საავიაცო ბაზარზე დაიწყება ფრენები ახალი მიმართულებებით:

Georgian Airways თბილისი-ბრატისლავა-თბილისი; თბილისი-ბერლინი-თბილისი; თბილისი-ბარსელონა-თბილისი; თბილისი-ბრიუსელი-თბილისი; თბილისი-ბოლონია-თბილისი; თბილისი-კიოლნი-თბილისი; თბილისი-პარიზი-თბილისი; თბილისი-ყაზანი-თბილისი; თბილისი-ათენი-თბილისი; თბილისი-სალონიკი-თბილისი

Wizz Air ქუთაისი-რიგა-ქუთაისი; ქუთაისი-ვროცლავი-ქუთაისი; ქუთაისი-ათენი-ქუთაისი; ქუთაისი-რომი-ქუთაისი; ქუთაისი-პარიზი-ქუთაისი; ქუთაისი-ბარსელონა-ქუთაისი; ქუთაისი-პრაღა-ქუთაისი;

Salam Air თბილისი-მასკატი-თბილისი;

Ural Airlines კრასნოდარი-თბილისი-კრასნოდარი;

Flynas ჯედა-თბილისი-ჯედა; რიადი-თბილისი-რიადი.

ამავდროულად ბაზარზე გამოჩნდა ახალი კიმპანიები: Myway Airlines (ამ ეტაპზე ასრულებს მხოლოდ ჩარტერულ რეისებს), Korean Air (ასრულებს ჩარტერულ რეისებს) Iran Air; Salam Air; Jazeera Airways; Kuwait Airways; Flynas

შეიძინეთ ყველაზე იაფი ავიაბილეთი

დაჯავშნეთ იაფი სასტუმრო