მალე, ავიაკომპანია Georgian Airways -ის ავიაპარკს Boeing 737-800 შეემატება, რომლითაც თბილისიდან პირდაპირი რეგულარული ავიარეისები შესრულდება.

როგორც Georgian Airways -ის facebook-ის გვერდზე განთავსებული ინფორმაციიდან ირკვევა, Boeing 737-800 ერთდროულად 180 მგზავრის გადაყვანას უზრუნველყოფს, რის შედეგადაც, ავიაბილეთების ფასები მკვეთრად შემცირდება.

"Georgian Airways -ის მენეჯმენტი ყოველდღიურ რეჟიმში აგრძელებს ავიაპარკის განახლების შესახებ მოლაპარაკებებს და ავიაბილეთების ფასების კლებაზე მუშაობას", განმარტავენ Georgian Airways -ში.

Georgian Airways -ის ვებ-გვერდზე განთავსებული ინფორმაციის მიხედვით, ავიაკომპანიამ 2000 წლიდან საბჭოური თვითმფრინავებით დაკომპლექტებული ავიაპარკის განახლება დაიწყო და დღეს კომპანია რეისებს BOEING-ის, Embraer-ისა და CRJ-ის ტიპის ავიალაინერებით ასრულებს.

დღეისათვის ავიაკომპანიის მფლობელობაშია:

2 ერთეული BOEING 737-700 სავარძლების საერთო რაოდენობით 132, მათ შორის, 12 ბიზნესკლასის და 120 ეკონომკლასის;

1 ერთეული CRJ 200 სავარძლების საერთო რაოდენობით 50, მათ შორის, 6 ბიზნესკლასის და 44 ეკონომკლასის;

3 ერთეული Embraer 190 - სავარძლების საერთო რაოდენობით 97, მათ შორის, 9 ბიზნესკლასის და 88 ეკონომკლასის;

1 ერთეული Embraer 196.

იაფი ავიაბილეთები

სამოგზაურო დაზღვევა 1 ლარად

დაჯავშნეთ სასტუმრო გადახდის გარეშე