გერმანიაში მოგზაურობა ყოველთვის სასიამოვნოა: ეს არის პუნქტუალურობა, კომფორტი, თავდაჯერებულობა და კარგად გააზრებული ყველა დეტალი. ქართველი ტურისტებში ყველაზე პოპულარული მიმართულებებია ბერლინი, ჰამბურგი, მიუნხენი, დიუსელდორფი, ფრანკფურტი, ჰანოვერი, ბადენ-ბადენი და კიოლნი.

ევროპის ყველაზე დიდი აეროპორტი მდებარეობს ფრანკფურტში, აქ ყოველდღიურად ხდება უამრავი რეისების ერთამანეთთან დაკავშირება.

საკუთარი აეროპორტი აქვს გერმანიის ყველა ქალაქს, რომლის მოსახლეობაც აღემატება 1 მილიონ ადამიანს. შედარებით დიდი აეროპორტებია – ბერლინი-ტეგელი (Berlin Tegel) და ბერლინი-შონეფელდი (Berlin Schonefeld Airport), ბრემენი, დიუსელდორფი, დრეზდენი, ჰამბურგი, კიოლნი და სხვა. რეისების რაოდენობით ფრანკფურტის აეროპორტის შემდეგ მოდის მიუნხენის ფრანც-იოზეფ შტრაუსის სახელობის აეროპორტი.

გერმანიის საერთაშორისო აეროპორტებს გააჩნია – Duty-Free მაღაზიები, ბანკომატები, დასვენების ზონები, ვალუტის გადამცვლელი პუნქტები, ბიზნეს-ცენტრები და უფასო ინტერნეტი.

ბერლინის აეროპორტი ქალაქის ცენტრიდან 8 კილომეტრითაა დაშორებული, სადაც მისვლა ესაძლებელია როგორც ტაქსით ასევე ავტობუსის საშუალებით. მიუნხენში ჩასულ ტურისტებს ქალაქის ცენტრამდე მისვლა შეუძლიათ ავტობუსის, მატარებლის, მეტროს ან ტაქსის საშუალებით. (ბოლო ვარიანტი შედარებით ძვირია) ფრანკფურტის აეროპორტი ქალაქის ცენტრიდან არის 20 წუთის გზაზეა, გააჩნია ტრანსპორტის რომელ საშუალებას აირჩევთ: მეტრო, ტაქსი, ავტობუსი ან ავტომანქანა.